麥玲玲着睡衣都袋幾萬文

    麥玲玲帶領三位J2ers黃紫恩(Jojo)、陳欣茵和蔡景行（行仔）主持清談節目《玲玲友情報》，昨晚主題為“成功人士”，請來金牌媒人林盛斌(Bob)擔任嘉賓，分享成功之道。

    Bob與玲玲師傅都屬“老派人”，節目中他們透露身上要備有足夠現金，才有安全感。玲玲師傅笑言：“我就算着睡衣都袋幾萬文。”令在場三位年輕主持人“嘆為觀止”。至於 Bob亦不遑多讓，他分享用長銀包催財運心得︰“自從用咗長銀包之後，會擺多啲cash喺入面，大概係五位數。銀包要做到脹卜卜，同埋啲錢要擺得好整齊，例如同一間銀行出嘅錢，會擺埋一齊，散發氣場吸引多啲錢。”Bob笑言：“善待啲錢，佢先會叫多啲兄弟嚟，哈哈。”對於出門出國必備的信用卡，Bob原來有段慘痛經歷，他回憶說︰“嗰時讀大學，有機會申請信用卡，我攞咗兩張。當時屋企環境唔好，阿爸阿媽要嚟透支錢維持生計，每月就還最低還款額，還咗好一段時間，以後對信用卡就有抗拒。”