茶餐廳價錢五星級享受

    小城步伐日見急速，打工一族最為煩惱的，相信便是午飯何處？這問題也曾對個人造成困擾，直至……遇上它！

    藏身於澳門永利酒店嘅“咖啡廷”，或許不少人認為：食餐晏仔啫，使唔使咁隆重咁貴？於五星酒店用膳，令人有此想法絕對正常！但若說“咖啡廷”並非什麼昂貴食府，只是摩登茶餐廳，大家又可否釋然？

    餐廳以葡萄牙菜作主打，卻加入唔少港澳茶餐廳元素，        餐牌，五香肉丁即食麵、雙蛋香腸餐、阿華田、好立克、港式鴛鴦等，Jesus……剎那間不禁令人神遊十月初五街屹立至今嘅南屏雅敘！

    雖說此處不貴，卻絕不能說便宜，只不過其套餐卻認真超值，共有六款選擇，全部有主菜、沙律、甜品及飲品跟尾。其中一款仲有薯蓉青菜湯，一律都係百零文絕不過兩嚿，加上有免費泊車。於是一百幾十買來優哉游哉，穿着得靚靚仔仔，既不用懊惱香車流落街頭，日曬雨淋趕入錶，亦不愁五臟廟無餚供奉，豈不妙哉？

    個人最欣賞咖喱牛腩套餐。咖喱辛香不辣，而咖喱嘅本質，被香料提升到極致，牛腩炆得又腍又香又好咬口，精華醬汁既非疊記或咖喱文一族，亦不是印度天花板境界，愚見以為，更近似摩洛哥式混合香料般精彩！就是如此，一盞茉莉香米白飯，半粒不留！

    ·紫紋卿·