兒時印象中國情

    西洋古典音樂，向為番邦天下，皆因源於彼域。然近世於紅鬚綠眼群中竟見黑髮黑眼睛，更係頂尖層級，居然風行數十載。此神來之筆，似顛覆傳統。然技壓群雄，揚威異域，又唔到你唔服。

    小澤征爾，西洋古典樂壇神級指揮唯一東方面孔。一頭鬆獅白髮，係佢招牌。台上活力洋溢，徒手指揮。早年參賽奪冠，得卡拉揚、伯恩斯坦兩大師收為入室弟子，師出兩門，史上冇幾人。

    小澤公有中國緣。八十八年前今日，出生於瀋陽。時值日本佔領東北。乃父以牙醫營生，卻係偽滿洲國忠粉，“九 · 一八”始作俑者板垣征四郎、石原莞爾係佢老死，因而各取一字為子名，曰小澤征爾。

    雖如此，難得小澤公對中國仍深有感情。上世紀九十年代已帶波士頓交響樂團來華演奏。佢極尊重中國音樂家和欣賞中國音樂，演奏《二泉映月》、《白毛女》。佢之中國情乃因“我細時所有印象就係中國！”

    西門公子