昨煞科賽總投注近五百五十萬

    冼文諾劉志森捧金盃

    昨天馬季煞科賽順利完結。是仗戲碼較佳，五場總投注額共收五百四十七萬五千元，創今季最高。

    頭場六班混戰賽果開正路。基廄“辣得都勁”由普健士執鞭，以強勁衝刺後上挫敵。此駒季內出戰多仗還未贏馬，前次用牌仔執鞭突如其來闖入冷位，馬匹表現轉好。上次增程跑千八米大敗，今次回師千五米改配普健士操刀，捧成三倍熱門。騎者出閘稍慢，沿途跟隨馬群順走，入直路發力衝刺，埋門突圍率先衝線。“辣得都勁”季內無寸功，賽至煞科日終於開齋。林宏基贏馬交代，普健士功不可沒。

    第二場梁曉傳贏梁國浩廄“創投精英”。此雙人馬上次同程落敗，拼後唞夠再來，今次原程續戰抽到一檔好位。騎者出閘快放搶先，沿途且戰且走，入直路彈甩對手率先衝線。“創投精英”季內屢有戰功，賽至煞科日再標尾會，騎、練攜手添進帳。

    第三場劉志森喜捧“澳門金盃”。旗下“聖靈大亨”由冼文諾主轡，埋門殺上挫敗廄侶“耀昌之星”替馬房建功。此駒今季八戰未贏過，但馬匹拼搏較少體力保持得好，賽至煞科日特邀冼文諾前來助戰。騎者接手出擊謹慎從事，出閘守住七八位，沿途小心翼翼，入直路才發力衝刺，埋門將對手一網成擒。“聖靈大亨”煞科日贏馬標尾會，冼文諾客串一日喜捧獎盃收穫不俗。劉志森贏得今季最後一項錦標賽兼包辦馬房Q，威風八面。

    第四場馬雅替馮耀正廄“多多益善”開齋。此駒季內屢敗屢戰，且多次捧成熱門落敗。上次高君濤跑沙地大熱跑梗頸。拼後小休重來，今次轉戰草地起用馬雅押陣。騎者出閘跟住七八位，沿途順走，入直路全力衝刺，埋門撼低冷馬“浩勝皇龍”贏馬。“多多益善”賽至煞科日終於開齋，馬房有交代。馬雅今次崔護重來亦有一W進帳。

    尾場田中正一騎蔡廄“聯安大兄”埋門險勝。此雙人馬上次贏完再來，今次原程出擊。騎者埋門影相，以鼻位險勝“夠響濼意”，打破馬雅起孖美夢。田中正一人馬連捷，蔡鎭威贏馬標尾會。