容祖兒自嘆冇“女朋友”

    將於本周日完成卅四場演唱會的容祖兒，前晚第三十場是慈善場，站在台邊的她又以日前“甩手飛咪”事件自抽：“呢度夠近，驚唔驚我跌咪？”引得全場大笑。繼而她自認中女冇拖拍、問係咪成功女士都難找男朋友，口誤說成女朋友，隨即自打圓場謂：“男又好女又好，都係冇！”臨近尾聲，她感謝家燕姐前來捧場，還貪玩地扮花及主動唱出家燕姐的經典歌《皆大歡喜》，還笑言要附有家燕姐招牌式的笑容和十字舞，連她自己也笑到站不穩，逗得觀眾爆笑之餘，大呼祖兒可做棟篤笑。

    當晚薛家燕來捧場，祖兒即興跳唱對方的招牌歌舞，場面爆笑。當晚祖兒蝦碌自抽、鬼馬連場，歌迷起哄要求她做棟篤笑。祖兒更姊妹情深，揚言有好男人會先讓給回復單身的蔡卓妍（阿Sa）。她開場即遇上小意外，清唱《溶》揭幕時，現場突然響起電話聲導致祖兒甩嘴。其後她跟觀眾搞Gag說：“今晚係慈善場，眼前都係好有善心嘅大慈善家，又多人着橙色衫，我幫你哋諗到個名，就係‘慷慨絲＇，令我好有力量。”