孖女神李佳芯遊日本

    周吉佩唔驚老婆呷醋

    日前，《中年好聲音》成員曹敏寶、周吉佩、顏志恆等組成的“中聲明星籃球隊”，到藍田進行友誼賽。周吉佩透露稍後將與李佳芯(Ali)到日本，拍攝有關住屋文化的節目，此行會去十多日，今次是他第一次主持節目，節目中他會邊彈結他邊唱歌。會否與有“魔音”之稱的Ali合唱？他說：“都想同女神合唱，但暫時未知。（與女神出埠拍節目，老婆可擔心？）老婆唔擔心，都係工作啫。”

    曹敏寶穿上全套球衣上陣，笑言自己擔任球隊經理人，負責安排聯絡及督促球員練波，但不會落場。而顏志恆負責設計球衣Logo。周吉佩說讀書時曾是學校籃球校隊隊長，但已有五年沒有落場，最近才練過兩次，沒有太大信心贏。談到《中年好聲音2》一百○八強當中有不少藝人，素人相對減少，周吉佩也承認見到很多熟悉的面口：“好似劉威煌，仲早過我入行，好彩唔係今年參加，佢哋個個都好犀利，否則我都入唔到圍。”說到參賽者唱到走音都能入圍，周吉佩則為參賽者辯護：“我當年都有走音，有時又唔記得歌詞，最緊要唱得有感情及唱到個感覺。”