港姐司儀好重要

    一加一，等於幾？五位晉入總決賽佳麗，企定定，目瞪口呆。美麗爆燈，智慧？在星爺面前，立見高下……之前有兩條問題，疑涉侮辱了佳麗智慧之嫌。港姐史話中，至今仍是佳話：

    “讀完香港大學，要幾多時間？”張雪玲自信滿滿搶着答：三年。“錯”，港姐司儀周星馳更正，“一秒都唔使，便可讀完‘香港大學’四個字。”周星馳又問，“華盛頓斬完棵櫻桃樹，他爸爸為甚麼不即時責罰他？”五位決賽佳麗張大口得個窿。周星馳說：“當時華盛頓手上仲有把斧頭，爸爸驚個仔用斧頭劈佢。”

    星爺跟着又出題目：“十四樓，有人一手推跌部冷氣機，點解部冷氣機立刻變成‘空氣’？”無人搶答，周星馳開口：“答案係，部冷氣機變成殺人兇器（空氣）。”美貌與智慧的港姐，在智慧爆棚的周星馳面前，只剩下了美貌，幸好還保持童眞似的智慧……“一加一，等於幾？”五位佳麗欲答不敢答，有佳麗豁出去了，朗聲說，“一加一等於二！”周星馳一聲答對了，全場熱烈鼓掌。

    這位有美貌有智慧也有膽識的佳麗，盧淑儀，後來成了歌王李克勤恩愛妻子。

    港姐司儀非常非常重要。現在，竟着眼美貌方面，隔三差五，生疹、傷腳、減肥、戒零食，都成了娛樂新聞頭條，流行創新與轉型……對的。貪新也不能忘舊——當年，六叔最重視的，還是司儀。千麗易得，一將難求。

    一九八七年港姐競逐，譽為最高質量一屆，司儀空前強勁，共九人：何守信、周潤發、甘國亮、謝賢、岑建勳、楚原、楊群、鍾景輝、鍾鎭濤。宣佈三甲佳麗前，六叔親自出場，頒贈金牌給何守信。

    “金牌司儀”首度自爆——大半生都係食女人飯，“做了十五年港姐，面對咗四百四十個靚女，大部分薪水港姐出畀我……啲飯有時都幾難骾，唔會係軟飯，所以個胃都還好……”此是港姐最輝煌歲月，此情已是成追憶……

    最頂班港姐司儀，必是“賭王”燊哥。他佳作考問王愛倫（後來慧姸雅集高層）: “請你幻想一下，在此時刻，現場所有人都停頓，只得我一個人可以郁，你估我可以做啲乜嘢？”“我諗你會錫我……”全場起哄，點只咁簡單呀？同你賭——燊哥的表情是色狼相，還是紳士道貌岸然？記得有奬：用手掩住嘴微微笑。

    高  梁