步快如飛馬膽之選

    今個馬季尚餘五次賽事煞科，騎師高君濤迄以六十W大幅拋開對手，今屆冠軍已穩坐釣魚船。練者馮耀正暫以三十八W帶頭，只多林宏基三W仍未穩操勝券。馮廄今仗四駒列陣，馬房擺出搏殺格，值得看重。

    馮耀正季尾攻勢緩進，只因馬匹季內拼搏多要回氣，幸好馮廄兵源充裕，現擁二十七駒屬各廄之最。練者調兵遣將勝人一籌，爭冠軍形勢比人強。今仗精兵應戰，睇環境會開殺戒，臨場吼緊。

    第二場：四五班一三五○米。“步快如飛”季內沙地九戰取一勝六位，由此可見馬匹跑沙地屬最佳出路。“步快如飛”近期接二連三得第二，雖未竟全功，但表現仍佳。此駒愈跑愈進步，今次增程續戰，料長力可應付。高君濤駕輕就熟，不妨作馬膽看待。

    第三場：“沙地王大賽”一級賽千六米。“印度王子”上仗一五一○米力拼掄元，該仗負頂磅贏來全無敵手，馬匹表現復有生氣。“印度王子”現居班次跑沙地肯定超級，拼後加強磨練，續由高君濤掛帥配搭完整。騎者今仗倘交出水準，坐位望贏冇“甩拖”。

    第四場二三班一○五○米。“浩勝盈寶”余健雄連仗贏同程，人馬表現穩定。此駒跟得鬥得，跑沙地乃最佳出路。“浩勝盈寶”拼後小休三周再披甲，今次原配戰原程，騎者已摸熟馬性，遇同組對手平平無奇，縱不勝亦應有位。