洪嘉豪為粉絲搞簽唱會

    最近，洪嘉豪推岀全新專輯《Cleanse》，上市後反不錯，不少“院友”（粉絲暱稱）撲碟支持偶像，更不惜重金包場舉行院友專場簽唱會。嘉豪不單止應邀出席，更獻唱《海邊的阿豪》和《隨波逐流》兩首新歌及與院友一起玩遊戲。他還有求必應地為院友逐一簽名及合照。嘉豪笑謂：“好似畢業典禮咁派畢業證書！各位院友畢業啦！”眾人又玩又唱又簽名，足足玩咗十個鐘。嘉豪說：“來到彩排時好驚訝，佢哋完全當一個小型Show咁做，又搵咗我老友Oscar做主持一齊玩，仲有成隊Crew嚟拍片及影相，工作人員全部都係支持我嘅粉絲，嗰種感覺雖然有啲唔慣但係好感動。”

    嘉豪多謝粉絲一路咁支持佢，又說近半年少咗機會見到大家，唔係離港工作就係喺錄音室錄歌，所以好開心有呢個機會可以同大家玩吓遊戲、傾吓偈、見吓面，但係因為場地有限，就算係歌迷會嘅會員都要抽門票先嚟到。他說：“好記得有一位粉絲同我講，佢專登喺外地飛嚟香港參加今次活動，我幫佢簽完名之後要趕去機場搭飛機走，所以好希望嚟緊定期都可以有粉絲聚會，見晒咁多位院友啦！”