個唱延期公開致歉

    容祖兒病癒復唱狀態佳

    容祖兒早前因為生病，三十四場《ANOTHER SIDE …… JOEY · MY SECRET · LIVE》演唱會中，有八場演出三度延期。前晚她病癒復出演唱，狀態大勇，老闆楊受成夫婦、閨蜜蔡卓妍（阿Sa）等都有到場為她打氣。

    祖兒前晚病癒復唱，狀態很好。她登台後即向觀眾致歉：“我好想藉呢個機會同大家講一聲抱歉，因為之前唔舒服，令演出要延期。雖然我知道，在座每一位朋友都願意等待……今日來到嘅都係最錫容祖兒嘅人，因為你哋對我嘅愛，我同自己講，我今日一定要振作！今晚MY SECRET · LIVE正式開始！”台下歌迷歡呼和熱烈鼓掌，大叫“我愛你呀！”逗得祖兒十分開心道：“真係好好反應，你哋反應愈好，我把聲就愈好，好神奇㗎，你哋係醫生，我係病人，掌聲、歡呼聲就可治癒我！”唱到第三個環節，祖兒又謂：“把聲好神奇，真係愈唱愈開……可能因為又跳又唱出一身汗，感冒水尾最煩人，希望今日冇令大家太失望……”觀眾再報以熱烈歡呼聲及掌聲。

    祖兒在完騷後表示，自己仍要好小心保重身體，希望狀態可以更好：“真係好鍾意企喺舞台上嘅感覺，雖然未係一百分，但係能擁有一百分觀眾，係我福氣，我會加油，咁多愛一定可以為我注滿動力，愈做愈好。”

    此外，祖兒在社交網貼出媽媽煮的午餐，感謝媽媽由她彩排開始，每天風雨不改、一心一意照顧她，是她吃過全世界美食之後最喜歡的米芝蓮，每一口食物都感受到媽媽用其獨門的方式向她展示母愛的偉大。但她亦不捨得媽媽太辛苦照顧她。