同周嘉洛演姊弟戀

    林夏薇：驚佢太細唔得

    前晚播出的新劇《寵愛Pet Pet》，劇中林夏薇有一幕爬水渠戲份，講到這個場口，她笑言印象深刻：“因為要喺幾層樓高嘅外層爬，感覺好真實，最大難度係天氣好炎熱，仲要吊威吔着住好多層衫，當時有少少中暑嘅感覺，好彩現場嘅武指好貼心，見到我暈暈哋就攞汽水畀我飲，好感動！”林夏薇自言好鍾意吊威吔，但少有機會拍打戲，對上一次已是二○一三年的《寒山潛龍》。

    提到與周嘉洛合作，兩人在劇中會譜出姊弟戀，林夏薇坦言曾嫌嘉洛太細個：“第一次同嘉洛合作，開始時唔知對手係佢，後尾知道係佢之後即刻諗：‘吓，咁細個？得唔得？’而我現實中冇接觸過姊弟戀，拍攝時同佢都有諗過大家點樣夾會好啲，一開工就覺得默契幾好，佢係一個好靈活嘅創作型藝人。”劇中飾演林夏薇舊愛的招浩明，由六歲開始學習魔術、曾參加不少國際大型魔術比賽並屢獲殊榮，去年在才藝比拼節目《全城一叮》大顯身手。他笑言今次在劇中玩魔術難度再高一級，同導演一齊花心思令畫面更豐富。