感情生活冇着落

    祖兒開騷爆阿Sa做媒

    容祖兒三十四場的《ANOTHER SIDE…JOEY · MY SECRET · LIVE》演唱會，前晚於香港演藝學院揭開序幕。祖兒的死黨蔡卓妍（阿Sa）、師妹Gin Lee、好友林海峰等都有前來捧場。

    前晚祖兒的首場《ANOTHER SIDE…JOEY · MY SECRET · LIVE》演唱會，是歌迷專場，粉絲都聽從祖兒的呼喚，按照Secret Lifedress Code，花盡心思，扮雞、外星人、王子、金黃爆炸頭等，現場充滿歡樂氣氛。

    祖兒  相隔六年再於香港演藝學院舉行演唱會，對歌迷的支持十分感動，大家大合唱之餘還一齊跳舞，令現場變了一個熱鬧盛大派對 。

    演唱會分為七部分，第一部分帶大家穿梭時空分享祖兒小時侯的秘密，接着再帶大家返回校園，跟着她上學堂。第三部分空間大轉移，十人大樂隊出場，與祖兒一同勁歌熱舞。第四至六部分，祖兒跟歌迷分享這幾年間為工作不得不離港獨自生活的心聲。第七部分是點唱環節，祖兒即場抽出歌迷一早寫下希望點唱的歌曲。歌迷亦為她準備了一個幾層的生日蛋糕，補祝她之前六月的生日。

    祖兒在台上與大家打招呼時搞笑道：“熟口熟面，又係呢個地方，又係呢啲 人，大家覺得我有冇變呀？”歌迷大叫：“有呀，變靚咗！”談及內心世界時，祖兒坦言：“我除咗係歌手之外，另一面就係一個中女。有事業，生活無憂，但仲係一個人吊吊揈。你哋擔心我嗎？其實，最緊張我感情生活嘅人，應該係好朋友蔡卓妍，佢見到所有男人，都會落個啱唔啱容祖兒嘅filter，仲同我講：‘你咁可愛又咁搞笑，我係男人一定溝你！’佢介紹咗個異性畀我識，咁我哋就禮貌上交換電話，之後各有各忙，我同佢只係斷斷續續text 好一段日子。佢見我回多一兩次，就開始send自拍照畀我，報告自己生活狀況，我當時都驚一驚，點知佢竟然再努力，留言 ：I miss you baby ！仲話不如我哋一齊試吓發展！佢又話已經睇晒我啲演唱會！好了解我係咩人……各位觀眾，睇完晒我演唱會DVD就想同我拍拖？咁你哋由細睇到我大，咪要同晒你哋……哈哈！”這時全場觀眾大聲拍掌，哄堂大笑。

    完騷後，祖兒表示：“收到好多朋友恭喜我個騷成功，個個都大讚好睇，人人最後都係嗰句：I miss you baby，真係笑死，哈哈。”