洪永城《阿媽唔信我去》添食

    洪永城(Tony)主持的旅遊節目《阿媽唔信我去亞馬遜》，收視和口碑理想，現時正籌備拍第二輯，並徵求網民意見拍攝地方，得出結果是西伯利亞、撒哈拉及朝鮮。洪永城會在三選一，而三個地方中，他最想去撒哈拉，因為未去過。昨日洪永城、何沛珈及李顯曜穿上水警制服，亮相西貢水警基地為《警聲百二秒》拍外景。Tony說除拍攝這節目外，正籌備《阿媽唔信我去XXX》第二輯。

    問到要選拍檔有何要求，他說：“要有冒險精神、唔怕死，好似《亞馬遜》咁食蟲跳落河，夠膽上天下海，我哋目標好簡單，就係代表觀眾去旅行，試勻最危險嘅嘢，喺撒哈拉同蠍子搏鬥同跑馬拉松、去西伯利亞零下六十度最凍地方唔着衫跳落河。”Tony稱今次同樣會帶J2ers前往拍攝，已收到很多訊息說想去。說到他可以帶多幾個前往，Tony卻稱上次帶兩個去已想死，怕帶多幾個人去會很難控制場面。