昨晚賽事總投注近一百九十萬

    中野省吾連中三元

    昨晚沙地賽完結。是仗出馬少場面較為平淡，五場總投注額共收一百八十九萬九千元。

    頭場六班混戰，譚廄“有錢贏”由中野省吾操刀，以強勁衝刺挫敵。此雙人馬季內沙戰已有兩勝紀錄，騎者跑來零舍不同。上次千五米草地艾華利執鞭無功而回，敗後回師沙地復配中野再搏。今次一三五○米似路程稍短，故臨場獨贏有七倍。騎者出閘殿後，全程跟住馬尾而走，入直路發力衝刺，埋門幾步猶如飛將軍從天而降輕取對手，替馬匹完成季內三捷。譚文就季內沙戰每有頭馬交出，中野省吾成馬房影子殺手，騎練合作無間。

    第二場中野省吾起孖。此子騎何華麟廄“飛賣品”，以無敵姿態取勝。此駒上次普健士跑同程大勝而回，今次因此子停賽關係改配中野主轡。騎者接手出擊亦不負眾望，出閘快放三扒兩撥帶出，沿途領放無驚無險帶到終點，跑完獨贏得十六元，中者得啖笑。麟廄添一W，中野省吾連中兩元。

    第三場中野省吾連中三元。此子騎兆廄“江河神獸”，以較佳留放後上擒下大熱門“維港智慧”。“江河神獸”季內夥拍中野屢有戰功，今次人馬重逢分外合拍。騎者出閘快步跟前，入直路發力逢馬過馬，埋門一步勇挫對手替馬房建功。張兆煊廄添頭馬，中野省吾連中三元，成績一枝獨秀。

    第四場徐錦輝贏馬。此子替豪廄“盛通精英”執鞭，撼低熱門馬“印度大師”，替馬房打破近期無馬贏悶局。“盛通精英”上次徐錦輝跑一五一○米包尾大敗。拼後小休一輪再來，今次轉戰一三五○米表現又不同，六倍半冷贏來生氣重現。徐錦輝、謝偉豪攜手添進帳。

    尾場高君濤贏林宏基廄“一代天驕”食尾餬。此駒季內已有勝績，尤其夥拍高君濤是最佳拍檔。上次草地千五米敗後重來，今次回師沙地再搏，騎者發揮水準替馬匹勝回一仗。高君濤贏馬，基廄增添一W，現頭馬只落後馮廄一W，且看今日黃昏馬可否追平或反先。