肥仔偕楊安妮“追鴨”

    黃色橡皮鴨再度訪港，掀起打卡潮，除了維港外，更走入社區登陸各大港鐵車站內。近日，肥仔@ERROR、Win Win（楊安妮）現身港鐵站“追鴨”拍攝短片，穿梭不同的車站，又跳舞又打卡，整晚跳足幾十次，充滿活力！

    當天二人在港鐵站內大跳“鴨仔舞”，片中肥仔更要孭住Win Win四圍跑，搞到滿到大汗 ，他笑言：“Win Win喺我心目中係好有份量嘅藝人，原來孭佢上身都好有份量！不過我唔係話佢肥啊，因為我都係一個肥仔，所有藝人企我隔離都會Fit好多嘅。”拍攝期間肥仔被Win Win踢中小腿，搞到即場慘叫，仲笑言被“後輩”攻擊。肥仔還即場教粉絲跳“鴨仔舞”，笑言想創造新潮流：“首先要報Win Win嘅私人跳舞堂，跟住即代入自己係鴨仔！重點扮鴨要用雙手，因為單手就會變咗《Megahit》嘅手勢，記住係用雙手，個頭再不停咁伸前咁就神似！”