追鴨打卡泡泡浴

    林明禎浴袍Look現身

    大黃鴨再次訪港，近日成為人們的熱話。“大馬女神”林明禎也來湊熱鬧，日前以一身浴袍打扮現身昂坪360，同幾千隻鴨仔打卡。她笑言：“十年前我仲未嚟到香港，所以呢日係第一次睇鴨仔，聽到有幾千隻橡皮鴨喺呢度，所以好開心有機會嚟到昂坪360打卡。”

    原來今次是林明禎第二次與昂坪360合作，這日她除了“追鴨”打卡外，還有機會與橡皮鴨沖泡泡浴，她表示：“橡皮鴨陪咗我成日啦，去到唔同地方打卡，仲帶埋佢哋搭主題纜車同埋喺大浴缸浸浴，成個浴缸都係鴨仔，成功幫佢哋搵返啲朋友。我覺得好開心，可以再次喺呢度工作，好似返咗去好親切嘅地方，今次天氣好好，原來呢度四季風景都唔一樣，見到大佛真係好靚。”

    明禎就話平時好需要“Me Time”，仲話要流汗先有紓壓嘅感覺：“平時早起我一定會做瑜伽，出咗成身汗就去浸泡泡浴，呢個係我解壓嘅最好方法！我好想帶橡皮鴨返去馬來西亞，送畀我屋企人，尤其係我嘅姪女，我諗佢哋都應該會超級鍾意。”

    被封“大馬女神”的林明禎本月一日才度過三十三歲生日，她當天在IG分享了慶生照片，並留言說：“近日爆炸忙碌，雖然在工作中度過生日，但爆炸幸福！爆炸快樂！爆炸健康！”的確，林明禎到香港發展後越來越紅，她參演電影《飯戲攻心》接連入圍香港電影評論學會大獎最佳女演員獎和香港電影金像獎最佳女配角獎，成績有目共睹，成了影壇新貴，人氣急升，並受到廣告商垂青，火速成為廣告小天后。