王梓軒為癌症基金義賣

    日前王梓軒跟逾百位粉絲在尖沙咀搞生日趴，並捐出八十件的珍藏籌款，當中最具紀念價值的就是當年他參加《中國好歌曲》的木結他，有粉絲以一萬元投得。在六月份粉絲都可以透過官方專頁競投其珍藏物品，他希望可以透過今次義賣籌得十萬善款。早前王梓軒跟多位鐵粉閒聊，發現他們因疫情出現不少負面情緒，令他非常心痛，“我淨係問佢哋‘大家最近點呀？你好嗎？’其實就唔好囉！呢幾年大家都好辛苦，喺各行各業都面對緊一啲困難，所以今次活動有兩個主題；一個係身心靈嘅健康，有冥想、藝術治療，亦都有慈善，我哋聯同香港癌症基金會再合作。”

    當日梓軒捐出八十件珍藏，除了一般定價外，有最具收藏的木結他及他即場繪製的酒精墨水畫，讓粉絲競投，“今次我攞咗啲衫、袋、太陽眼鏡、錶、收藏品、MV道具，之前喺台上玩過嘅樂器，我哋之前喺網上已經提早開售，有啲人可以競投。對我嚟講，最唔捨得就係嗰時喺《中國好歌曲》台上玩過嗰支結他，當時彈到條弦斷埋，我冇修補過就咁保留原裝個狀態，畀大家競投，好有紀念價值！”