一句對白觸動袁潔儀

    二十八歲清純少女，生活逼人，夜總會當舞女，慈母諄諄告誡——唔好聽那些麻甩佬甜言蜜語，去得夜場玩，有邊個係眞心？講乜嘢都好，佢哋都係為咗口氹你上床，所以，錢！先係最眞，靚仔冇本心……

    愛女情深醒目過醒目的慈母，理應嚴拒女兒去伴舞；不料，反而秘授女兒去做歡場高手，更愛女兒的深度表現了……不妨賣笑！不妨賣肉！要善價而沽。

    慈母原是狠母，教路女兒出賣自己——“女呀女，阿媽都贊成你去萬國城。記住，你要做，就要做最大。最旺，最肯花錢嘅場去做……女人青春，就係得幾年；你要做的話，老虎你都要做最紅的一姐。收山後才搵個知心人，或者買樓收租，咁先至係醒目女呀！”

    教女賣初夜，如何作尋芳客一筆，“我無法接受這個老母角色。有冇搞錯呀，逼個女做小姐，此母太無良，曾推回劇本……”《一舞傾城》袁潔儀，演悲慘的過氣舞女大班，霧水老公糯米鷄當她提款機，無錢便虐打，遍體鱗傷終日垂淚，還帶着現任丈夫生下的一對稚齡子女，還有前夫的二十八歲KK……虎毒不吃兒，苦命母親竟然忍心推親生女兒“落火坑”。“自己接受唔到，好難演下去”，曾有甜美亞姐之譽的潔儀姐姐，聽見編劇和導演，回應簡單現實一句話——無論哪一個行業，無論高層或低層，都會咁做：向現實低頭。

    “我窮咗好耐，窮到怕！”劇中一句對白觸動了袁潔儀，讓她進入角色，“呢句肺腑之言，自己經歷過。當年，離開ATV，冇收入，好徬徨，我唔食，我阿爸阿媽都要食嘛！”她指人生就是如此，許多事情只好向現實低頭，於是，成功游說了自己接受角色。窮得太久窮到怕，不推女兒落火坑，又會怎樣？“我想重操故業，自己做過舞女、領班，無奈已不可能了。”

    “你乜Q媽咪嚟口架？”袁潔儀見到ATV舊同事，大興問罪之師。“明白觀眾有此感覺好正常……只有我弟弟有讚冇彈，指有挑戰才能發掘潛質。笑駡由人，但好開心。劇集播出，無論評語好定唔好，只要有Noise，幫到收視就係好事。”

    高  梁