形象百變芭比娃

    一個膠公仔，賣足六十餘年，玩大幾代人，於今仍盛；形象百變，七十二行，諗得出都有，難怪妹妹仔鍾意，阿姐阿姑也鍾意。史上玩偶，無有咁長壽者。唯面世之初，因公仔體型玲瓏浮凸太養眼，畀人鬧到飛起。

    芭比，一個令人有嘢諗嘅公仔，係成年人的肯德基，細路仔嘅麥當勞。波蘭裔美國人露絲當年在德國發現個膠公仔頗合眼緣，然衣着太性感，係成年人口味，佢想將之變為美國兒童版。

    一番改造，雖玲瓏浮凸，卻衣着密實，依然被認為惹人暇想，教壞細路。面世之初，無人落單。雖置於商場一隅，細路女卻如蟻附羶，即時熱賣。僅一年間，即創下銷售奇跡，且歷久不衰。

    “芭比之母”露絲童心未泯，悉心培育芭比。數十年間，竟為芭比設計更衣數千款，令芭比青春常駐，形像常新，無怪乎阿姐阿妹趨之若鶩。廿一年前今日，露絲因病離世，終年八十五。

    西門公子