學友有錢唔搵

    埋嚟睇，埋嚟揀，張學友！是人？還是神？精靈香港人眼中，是一位神……化……之人，自己講——十年來，“有錢唔搵”！“可移民不移”。

    “二、三十年前，想過移民新加坡……”張學友前晚為馬時亨主持的《馬時亨 · 香港情》節目任嘉賓時坦言：“諗咗好耐，都係唔去；後來，又諗移民加拿大，上到加拿大領事館，當時話去魁北克最容易，簽證前一刻，諗到該處都係外國人，個心頂唔住，離開領事館，走夾唔抖——我諗我係裙腳仔，對於香港這份感情放唔低，我在香港出生，在香港得到我的所有。”

    張學友得到香港市場，內地收穫更驚人……樂界老行尊“金曲之父”張文新踢爆，內地流行的歌唱節目，爭相邀請張學友出任導師，指指點點，出場費可達九位數字，云云。富貴來時，阻也阻不住。

    “天啊，唔好搞我——”張學友承認一口拒絕。有錢唔搵，原因兩個。當着“金曲之父”張文新、前財金高官馬時亨的訪問，公開剖白—— “第一，我冇畀人教過唱歌，亦冇教過人點唱歌。我出身歌唱比賽，非常明白，這班挺身而出的參賽者多麼不容易。其實，每一個夠膽上台唱歌的人，都係專業歌手，這麼多人面前唱，好犀利了。我好唔忍心指指點點這個唔好，那個唔掂，我好唔安樂；第二，去到做導師，我又點教人唱歌……因為，我從未正式正統去讀音樂或學唱歌。”

    張學友身在歌壇心癢難耐，不吐不快。學友直言：“我自己覺得炎明熹唱得好好，《聲夢》出來之後，甚麼節目都做……有一日，我見到佢唱歌冇晒力，我已經Feel到，炎明熹係攰到冇晒力去唱歌了。”

    高  梁