拍劇唔抗拒親熱戲

    何依婷：專業演員咩都演

    前晚，劇集《法言人》在油塘搞宣傳活動“即時開庭”，何依婷、林夏薇、馬國明、張頴康、黃嘉樂、蔣祖曼、陳少邦、容天佑等人亮相。監製劉嘉豪即場宣佈劇集播映一星期，成為九點半劇集首集最高收視冠軍的喜訊。現場演員重演劇集的情節，劇中林夏薇被陳少邦淋紅酒侮辱，活動上林夏薇以牙還牙，用紅酒照頭淋陳少邦，馬明則被眾人抬起向容天佑起飛腳。

    何依婷被問到在劇中有冇畀人糟躓時，她表示自己是個幸福的女仔，不用被人糟躓，但其角色會患有重病，會與丁子朗患難見真情。她指二人會有浪漫拍拖戲，會去溜冰及海邊散步。被問到有冇親熱戲，她表示都是蜻蜓點水。她現受公司力捧，是否不能拍太親熱的戲份？依婷認為，一個專業嘅演員是不能因怕醜而不演，之前她都試過在劇集拍過一些激情戲，主要都是睇劇情而定，而她今次是飾演一個單純秘書，想激情都不能。

    日前，林夏薇分享出海泳衣照，她略嫌自己有點幸福肥：“父母新年前已經嚟咗香港，日日都有湯水飲，媽咪要儲肥我。我肥咗六公斤，不過好開心，今年可以陪爸爸度過七十大壽，當日同好多朋友一齊出海聚一聚，因為已經有六年冇見爸爸，大家都玩得好開心。（若父母有孫抱會更開心？）自己冇呢方面嘅壓力，好自由。”

    馬明近期連續兩部主演的劇集都有高收視，他說：“仲係四月啫 ，（霸落去？） 播埋呢套我就冇劇播，要等《NEWS新聞女郎》，好難霸。”被指消瘦了的馬明，表示因近日既要忙於拍劇以及要出席宣傳活動，所以瘦了一點。他雖然工作忙碌但皮膚卻好了，馬明自爆全靠未婚妻湯洛雯的湯水滋潤，更大讚靚湯最拿手煲藥材湯。

    有份參與當日拍攝的蔣祖曼，說可以為修哥慶生好興奮，大讚修哥專業及魄力驚人：“我好佩服修哥，我叫佢坐低休息吓，佢猛話：‘唔使呀！我開工唔坐口架’。我第一次有幸同佢合作，修哥仲係咁同我哋傾偈，啲對答好精靈，仲要識好多潮語同有gag位，好犀利。佢好早就抵達現場準備，全程冇乜坐過，仲要不斷係咁行。”