昨晚賽事總投注近一百九十萬

    余健雄喜中孖寶

    昨晚沙草混戰完結。是仗出馬少戲碼較弱，五場總投注額共收一百八十九萬四千元。

    頭場六班馬出戰一五一○米，徐錦輝騎豪廄“盛通精英”，以快放本錢挫敗對手。此駒上次田中正一跑一三五○米力拼得第三，今次改配徐錦輝增程再拼。騎者出閘快步跟住第二位，沿途拍實前領馬“豐收日”而跑，入直路發力即甩開對手率先衝缐。“盛通精英”服役後首捷同程，贏來進步神速。馬匹跑沙地較合腳法，下次重來仍可吼。徐錦輝、謝偉豪先拔頭籌。

    第二場余健雄爆冷贏何華麟廄“飛賣品”。此駒季內一出即勝，表現予人好印象。及後再出沙草地皆北，上次千二米有頭冇尾令人失望。今次轉戰沙地再交余健雄操刀，出閘搶放由頭直帶到尾，贏來真身再現，跑完獨贏有十三倍，買中者好分。“飛賣品”草地起家，今次沙地一樣掂，證明是匹全才馬。麟廄添進帳，余健雄亦居功。

    第三場劉傲勝出錢廄“如詩如畫”。此駒上次由田中正一跑同程，後上不及只得第三。今次起用牌仔操刀減磅再搏，騎者起步跟隨馬群而跑，至入直路才展開衝剌，埋門三扒兩撥殺上，撼低冷馬“盛通寶貝”，替馬匹取得遲來的頭馬。劉傲、錢健明同添一W，騎練合作愉快。

    第四場譚廄包辦馬房Q。旗下“椒椒醒神”由余健雄押陣，以大熱姿態輕取廄友 “幕后英雄”。此駒季內跑過多仗未開餬，上次約尼斯跑草地敗後轉沙再來。今次回配余健雄熟手執鞭，騎者出閘一放迄終，替馬匹取得來澳首捷。譚文就廄包辦馬房Q，余健雄停賽前喜中孖寶。

    尾場普健士食尾餬。此子騎賀蘭杜夫廄“聯安百勝”，以較佳留放後上挫敵。

    此雙人馬上次同程後追跑第二未竟全功，今次原裝配搭捲土重來。騎者駕輕就熟，出閘跟貼對手，直路發力衝剌，埋門將對手一網打盡，騎、練攜手食尾餬埋齋。