馬明靚湯年尾大婚

    “見到馬國明演親熱戲，會否打爛個電視機？”不愧時代娛記，問不驚人誓不休。“靚湯”洛雯淡定回應：“唔會，我不是潑婦……”可惜漏說下半句話，我都係專業演員，不妨說，打爛的不是電視機，應該打爛電視台……

    假如我是娛記，口窒窒，點解？電視台有眼無珠咯……“如果搵我靚湯演呢段纏綿親熱戲，與馬明對手的話，收視五十點，嫌少。”靚女得俊男，便語無倫次？係——無緋不成星。明星者，台上識做戲，台下也要做戲。娛人！係供給人們娛樂，聊博一粲。

    “記住！”靚湯不妨指揮娛記，“向樂小姐反映，馬國明演親熱戲，非湯洛雯莫屬……”起碼會令人感到戲真情真。馬湯出雙入對，逢講必婚，話題給人“老夫老妻”印象，每次見傳媒不論男女，不離幾時結婚？又有舊聞新消息了……

    “預算今年尾，全權交馬國明。”靚湯台詞熟練，“至於ABC餐，未決定，亦沒有聘請婚姻顧問。自己搞掂。”

    月月講，年年講，為何選今年尾結婚呢？“我哋兩個都好怕熱，喜歡涼爽，以免穿起禮服時大汗疊細汗……”話鋒一轉，準備外地結婚，早前拍拖日本是否物色場地……“我哋心目中首選東南亞。”吓？熱帶地區，十二月也三十五度呀……外地婚禮，賓客要長途跋涉了。“不廣邀親朋，婚禮小型的。”

    在香港，註冊結婚，要簡單隆重的，A餐，一對新人上律師樓，律師面前簽字；B餐，酒樓擺幾圍，律師到場，禮堂上當衆簽字，正式成為合法夫妻。明星婚禮，乘機增人氣；C餐（娛樂性豐富），要量力而為。

    岔開一筆，有錢也辦不到的莊嚴而隆重婚禮：梁朝偉、劉嘉玲在世界屋脊的不丹皇宮舉行，王叔主婚，新郎新娘穿真正皇室禮服。數娛圈最失禮的婚禮，一對歌星出場，一句話：我們已經結婚，現在宣佈離婚。大吉利市，俱往矣。

    要幾隆重有幾隆重的婚禮，也有了。最近，橫店拍攝基地，也代辦婚禮，名勝古跡宮殿俱備，古代現代甚麼規格都有，依足劇本為你拍一場大婚戲，夢幻成真！

    高  梁