梁朝偉古天樂追憶哥哥

    前晚《張國榮繼續寵愛 · 二十年 · 音樂會》上，不少藝人拍片回顧往事。梁朝偉拍片說：“九○年春，你同我第一次合作，你榮登影帝；九四年秋，你教我將西瓜埋喺沙漠入面，你總係有無限嘅鬼主意；九六年冬，你同我約定去Iguazu，最後只有一人赴約；○一年夏，你親手頒獎畀我，我亦都有遵守我同你之間喺台上嘅約定。昔日嘅春夏秋冬、高低起跌都有你在場，今日讓我哋一同重新經歷你嘅春夏秋冬。”

    吳君如說：“十四歲果年，你出現喺我嘅青春，多謝你，我嘅夢中情人；初入行，你讓我參演MV，多謝你，我嘅MV情人；愛情嘅啟蒙、事業嘅春天，都因你而起，沿途見證你嘅傳奇，如今一一已成傳記。好希望你能夠親口‘從頭細細講我知，傻傻噩噩那日子，快樂忘形是你像個瘋子。’”古天樂說：“秋風帶走最好嘅一片葉，但留下我對你嘅思念。喺九四年一個電台訪問，你我素未謀面，但你令全香港都知道我嘅名字，一句提攜，在我意義非凡。我知道你心中尚有未完嘅導演夢，但我想講，我人生嘅劇本因你一句說話從此改寫。多謝你，哥哥。多謝你，張導演。”