醒目仔路合贏面大

    今晚五場沙戰出馬不多，大部分場合只七八駒角逐，馬少形勢暗湧大，投注步步為營。騎練在馬圈輪流搵食，林宏基、馮耀正近期頻頻贏馬，兩位練者現排名榜首，今晚此兩廄出馬各有千秋，仍堪重視。

    譚文就八駒列陣，大軍壓境睇環境會“郁手”。譚廄今季暫取十四W，當中十三W跑沙地取得，由此反映，譚廄馬喜歡沙地搵食。練者上月中贏完“誰愛合金”守齋多期，今仗強陣搏殺，務必吼緊。

    第一場：六班一三五○米。“醒目仔”前仗同程用梁曉傳贏至對手無招架之力，可見馬匹跑沙地具實力。上仗由劉傲跑短途未能發揮馬性，敗不為奇。拼後重新打磨，論馬仍具作戰水準。今番回師開齋路正合腳法，回配梁曉傳如魚得水，遇同場對手多不穩分子，贏面至大。

    第四場：六班一三五○米。“養貓快樂”低班分子在譚廄已取兩勝五位，馬房算有交代。此駒上仗出閘不久失蹄，敗於意外。拼後重來，原配劉傲縮程續戰，遇同場對手五十步笑百步居多，憑質新當起可勝此陣，不妨追多一次。

    第五場：四班一五一○米。“森林木”季內已取兩捷，表現穩紮穩打。此駒前後兼具，跑沙地實力強。今次升班再來，用牌仔劉傲主轡有減十磅之利，復跑首本路正合腳法，抽到二檔好位形勢有利，出閘貼欄順走，一放到底唔奇。