鐵漢飛車成經典

    史提夫麥昆，荷里活銀壇鐵漢，生就一副“馬騮相”，卻因形格獨特而成銀幕新寵。上世紀六、七十年代叱咤風雲，不修邊幅、懶散浪蕩，衆叔父尚係憤青之年，已視為偶像。

    史公生性好動，乃父係特技飛機師，子承父業，佢飛車兼揸飛機，曾係國家隊車手。其名作《龍虎榜》(內地譯《大逃亡》)結尾，揸電單車飛越封鎖線一幕，已成經典。衆叔父於今述及，仍眉飛色舞。

    史公影史上至為人熟知者，乃《巴比龍》。佢與德斯汀荷夫曼之“監躉”修為，於今無人能及，此片被喻為“影史上最偉大之逃獄電影”。年前雖有人重拍，其深度與味道，仍差一大截。

    史公亦繼承乃父酒鬼性格，曾醉駕入獄。其貌雖不揚，卻係性愛殺手，身邊美女如雲，更自動上門。一九八〇年五十歲因癌離世，世人大跌眼鏡：點解唔係性病？

    今日乃史公九十三齡冥壽。

    西門公子