賓菲加撼台星爭首勝

    【本報消息】本地甲組足球聯賽今晚八時在蓮峰球場上演獨腳戲。賓菲加迎戰台星力爭打開勝門之門，賓菲加牌面有優勢，面對升班馬台星，有望睇高一線爭今季首勝。賓菲加開季遇硬仗，揭幕戰不敵衛冕的澳科鄒北記，次輪鬥上屆亞軍蒙地卡羅，又錯失領先優勢被逼和，今季仍未打開勝利之門。賓菲加人腳有梁智誠、吳鏵景、陳敏、伊利及門將奧利華拉等掛帥，加上羅倫斯、丹尼爾等新兵外援領軍，擁有爭冠級別的實力。台星由何偉棠、賴浩正、林偉祥等經驗豐富的球員領軍，牌面亦不差。不過賓菲加實力始終有優勢，今場有力睇高一線，力爭打開勝利之門。

    恆勢大勝士砵亭

    昨晚蓮峰同樣有一場甲組獨腳戲，士砵亭鬥重返甲組的恆勢，開波僅三分鐘，黃振聲半單刀為恆勢開紀錄。六分鐘後，達施華把握單刀為士砵亭扳平一比一。兩隊之後各有一次攻門中框，黃振聲半場前窄位破網，恆勢半場領先二比一。恆勢換邊後積極搶攻，黃振聲五十一分鐘扭過門將射入空門，加上保羅四分鐘後射入十二碼，恆勢擴大優勢至四比一。黃振聲尾段再射入單刀食出大四喜，艾迪臣後備上陣建功為士砵亭挽回面子，恆勢仍大勝五比二，打開今季勝利之門。