羅馬“羅”三分

    【本報消息】意甲羅馬爭勝保前四，首都狼主場出擊迎戰莎索羅，強勢主場兼人腳實力有優勢，睇好主場再攞三分。

    羅馬近況不俗，歐霸贏波晉級佔先機，狀態士氣同樣好。羅馬整體人腳實力較莎索羅好，迪巴拿、比洛迪連同柏歷連歷及韋拿度姆支援，後防有史摩寧及門將柏列迪斯牌面十足。莎索羅近況不差，惟射手貝拉迪今季表現麻麻影響火力，整體作客表現未見突出。羅馬挾主場五連勝強勢，有望贏波保前四。

    祖記主場出擊鬥森多利亞，斑馬兵近況強勢，雖然上輪聯賽作客不敵羅馬，但都靈主場有保證，迪馬利亞狀態十足，連同華荷域、米歷、盧卡迪利等進攻，防線施薩斯尼把關同樣有信心。祖記面對低迷的森多，三分有望到手。

    國米不敵史柏斯亞

    國米作客史柏斯亞爆冷輸波，L馬天尼斯早段射失極刑錯失黃金機會，主隊下半場靠D馬甸尼勁射破網開紀錄領先一比○。盧卡古八十三分鐘射入十二碼扳平一比一。但杜費斯四分鐘後亦送極刑，尼蘇拿操刀射入，史柏斯亞爆冷二比一贏國米。

    輸波國米次席僅剩兩分優勢，更比拉素踢多場。主帥S恩沙基感失望：“結果令人非常失望，球隊盡了一切努力爭勝，但連番失機，最後更犯錯為對手送上勝利。球隊在這種情況下失太多分，尤其作客。我會為失利負責。”