李幸倪減磅拍MV

    日前李幸倪(Gin)作客TVB娛樂新聞台節目《StarTalk》，接受許文軒訪問，大談轉公司的感受。Gin直言曾在真空期思考去向，更一度考慮過不再做歌手。她說：“其實最驚係做錯決定，唔知道自己嘅決定啱唔啱，有反問自己點樣繼續行，十字路口有好多選擇，有好多可能性，所以咩都有諗過，嗰個時期都幾迷失，心情複雜，一有壓力自己就會失眠，出現生蛇狀況。我第一次生蛇，好彩唔係太嚴重，初初感覺到背脊有撻嘢，立即睇皮膚科醫生，食藥控制住，嗰刻知道自己一定要停一停，要畀自己休息一段時間，所以返咗馬來西亞，順便見屋企人。”

    談到轉會後推出新歌，Gin說：“毫無懸念一定要搵首快歌，知道好多樂迷覺得我成日唱抒情歌，想話畀人知我除咗慢歌之外，仲有好多可能性，聽了成百首Demo，最終搵咗韓國嘅Demo，就出現咗《Dum Dum》呢首歌。今次嘅舞蹈係最難嘅一次，動作好快，好複雜，每日練四至五個鐘頭。拍MV要減磅，但係今次舞蹈強度好高，要好大體能，所以要靠營養師配合，慢慢就可以斷食同生酮之下都有能量，所以最後成功，我都好大滿足感。”