陳嘉慧嘆盡東京平價

    昨日，旅遊資訊節目《請1日假去旅行》首播第一集“東京篇”，主持陳嘉慧(Erica)和周奕瑋(Jarvis)帶觀眾在銀座品嘗性價比一流的五百港元Omakase，以及吞拿魚的極刁鑽部位。豈料二人接受當地電視台訪問時，卻因日文講得太多被刪鏡頭。Jarvis和Erica在節目中先介紹到業務超市購買平價飲品，而首個晚餐就到銀座歎Omakase，並且人均只需八千七百四十円（約五百港元）。當中濱鯛壽司更令Jarvis一試難忘。而Erica則說吃了最好的穴子壽司。

    Jarvis還透露，在銀座歎平價Omakase發生的事件簿：“當地嘅電視台都有嚟採訪，我哋好努力練好啲日文同佢哋做訪問，點知最後佢都係出咗啲我哋講廣東話嘅花絮，原來佢哋想表達連外國人都對呢間壽司店好有興趣，我哋講日文可能會令人誤會我哋唔係外國人，所以我哋擺咗個大烏龍，嘥咗啲緊張同練習！”今晚播出的另一集，二人將到澀谷新興潮點宮下公園，還點了以滅火沙桶作器具的Mega Drink，上演小劇場教大家搭訕常用的日語。Jarvis更因猜包剪揼輸了要負責撩女仔，場面過癮。