孫慧雪佗B四月半似生得

    前晚，已懷孕四個半月的孫慧雪（雪雪），出席頒獎禮活動。

    腹大便便的雪雪受訪時笑言：“係呀，我個肚已好大，好多人都以為我有咗六、七個月，有人更笑我就嚟生得。上一胎個肚都冇今次咁大。（體重增加了多少？）我本來五十公斤，現時已有六十五公斤，重了十幾公斤。（你佗B時吃些甚麼？）我已經都唔夠膽食咁多，頭三個月不停嘔，冇胃口，而家就好鍾意食飯，不過醫生暫時冇叫我減肥。”

    雪雪透露今次這一胎會剖腹分娩：“因為BB比正常大，今個月中做產檢時會照清楚啲。（BB係仔定女？）我想賣個關子，遲啲先公佈。（可會再生第三胎？）唔好啦，生埋呢胎我收工，今次真係好攰好辛苦，每日要瞓十幾個鐘。”

    雪雪挺着大肚，但她仍未停工，還表示月底會與老公及兒子去日本旅行，因疫情至今已有多年沒有出埠玩過了。