趙增熹當評判後多接廣告

    日前，趙增熹和歌手譚芷昀(Celine)出席商演活動，二人在晚宴上合作表演《Stand By Me》、《愛是永恒》及《My Heart With Go On》多首名曲。趙增熹除了表演外，又同觀眾分享理財心得，笑言表演崗位最舒服，仲話今晚提議與譚芷昀合作演出：“其實我都係佢嘅Uncle，識咗佢十年啦！當年佢嘅唱功都勁到嚇親人，其實佢係我音樂製作嘅學生，所以不時合作同表演。近年都好多創作歌手，每位都想同佢哋合作，好似中學師弟林家謙一齊玩吓都好，早前GiGi演唱會都知Edan有作歌，但凡係唱作人都埋嚟啊，都想有啲火花。”

    趙增熹笑言自從擔任比賽評判後，不時接拍廣告，但仍未習慣見到“自己”：“其實都怕見到自己個樣，好在早排都仲有口罩令可以遮住先，不過去到餐廳都會比人認得叫我趙生。”

    他說拍廣告後順便開戶口，靠專人打理血汗錢：“啲錢咁辛苦搵返嚟，梗係搵人幫手看住啦！我試過想自己管理，但後來發現都係交晒比專家搞好啲，依家都唔可以叫上咗岸，不過，依家工作係我嘅夢想，好似依家想做教育，要啲收入去圓夢囉。”