黃妍自嘲有跳舞困難症

    日前黃妍(Cath)作客TVB娛樂新聞台節目《StarTalk》，接受許文軒專訪，大談推出即將在旺角麥花臣場館舉行個人音樂會感受。黃妍說吸取過往在各場館開騷經驗，不停改進：“今次開騷會連續做兩晚，所以事前會喺屋企練習，會成個騷Full Run一次，唱足二十幾首歌，試下個Vocal可唔可以處理到，把聲會唔會攰！萬一唔得，就睇吓有咩方法可以克服！不停咁試。”她又說：“今次為配合主題，某啲自己嘅歌曲會減省，反而會唱其他人嘅歌。因為要唱其他人嘅歌，甚至自己嘅歌都會改編曲，連唱法都唔同，所以喺屋企重新錄過歌曲去練習。”

    黃妍說今次不會跳舞：“上次開音樂會已經跳咗，但我有個同事睇完之後都唔知我跳咗！仲問黃妍又話會跳舞，點解仲未跳，佢話我跳到好似耍太極，所以跳舞對我嚟講真係好困難，完全搞唔掂。不過之前拍攝新歌MV《異地書》時已經大膽挑戰現代舞。睇返個MV覺得原來自己都識跳舞，好似好勁咁！但其實只係睇上身，睇埋下身就唔知我做緊乜！隻腳未搞得掂！哈哈！所以今次演唱會都應該唔會跳舞，我會用另外一啲方式畀驚喜大家。”