勇強旋風睇高一線

    今晚上演四沙一草混合賽，頭場七點○五分響鑼。綜觀大局，各場出馬未滿額，但形勢暗湧重重，賽果熱倒冷爆可料，投注小心推敲。騎師梁曉傳今起停賽。塞浦路斯過江龍約尼斯首度披甲，今番受練者支持，全晚四駒出戰且看表現如何。

    筆者心水推介，第三場二班一○五○米，張兆煊廄“勇強旋風”可做馬膽。此駒沙地實力雄厚，上次同程排位後退出，復課重新打磨再披甲，改配余健雄操刀，人馬老搭檔可睇高一線。

    “勇強旋風”沙地表現出色，連季已取六勝六位，戰績可人。此四歲馬實力未用盡，料季內續有頭馬交出。近仗同程屈居超級對手“冬甩仔”腳下，雖敗不辱。拼後操足再來，續跑此程亦合腳法。此駒跟得鬥得，饒有竄勁，由余健雄主轡駕輕就熟，憑路合班宜，可勝此陣。