何展睿冧老婆送多重驚喜

    香港歌手何展睿 (Steve) 早前到烘焙中心為下月推出的新歌與粉絲見面及拍攝。除此之外他更為老婆送上驚喜：“老婆無論屋企同工作都幫我好多，我瞞住佢話今日係同粉絲進行拍攝，實情係想送上‘驚喜四部曲’畀佢，其實自己提早兩個月秘密學整蛋糕，之前仲將製成品帶返屋企畀佢食，聽吓佢意見。今日親自整咗個芒果流心蛋糕，上面有張我同佢嘅食用相片；同粉絲夾好唱生日歌預祝佢生日；準備咗實用嘅永生花喇叭當禮物；下個月仲送首新歌畀佢口添！”

    提到下個月即將推出的新歌《心跳》，原來都係為咗口氹老婆而誕生：“新歌特登喺三月十二日上架，因為當日係老婆生日，想當生日禮物送畀佢。幾年前結婚作咗首《幸福的情歌》送畀佢，今年終於有另一首新歌啦，希望佢鍾意啦！”