俠骨柔情張大導

    張徹，佢令陽剛崛起，銀幕濺血，係佢重建男性主角影壇地位，女角問禁無門。佢崇尚暴力美學，穿腸爛肚，唔見血唔收科，殺開武俠片血路，成後世楷模。於今幾代名導，皆源出於此。

    若以為佢一味打殺，則錯矣！俠骨尚有柔情。君曾聽過此曲乎？“高山青，澗水藍，阿里山的姑娘美如畫……”坊間長久誤以為係台灣高山族民歌，則絕謬矣！此乃張大導早年電影《阿里山風雲》主題曲“高山青”（內地稱“阿里山的姑娘”）。

    一九四八年，上海國泰開拍《阿里山風雲》，由張徹、張英執導，片中需有台灣風味主題曲。男主角鄧禹平善詩，張徹提議由鄧作詞，佢同張英譜曲。一衆從未到過台灣，然山青水秀早有所聞，遂以鄧老家四川山水為藍本。一曲既成，唱響全國，而今已成經典。

    張大導既有武俠片傳世，亦有名曲史上留痕，文武雙全，影壇實不多見。今歲乃張公百齡冥壽。

    西門公子