澄清秘戀日籍男緋聞

    龔嘉欣否認已同居

    昨日，無線新劇《新四十二章》主要演員陳豪、龔嘉欣、江嘉敏、譚凱琪等到商場宣傳。龔嘉欣穿上有心心裝飾物的開窿短裙亮相，十分搶鏡，而她玩拗手瓜遊戲時，亦贏了江嘉敏，大出鋒頭。但傳媒採訪時的話題焦點，仍是集中在她的緋聞之上。

    三十三歲的龔嘉欣，最近被傳與日籍男生秘戀兩年，二人更被指已經同居，隨時會公佈婚訊。有報道指男方是一名甜品師，高大俊朗，嘉欣亦有份投資男友開的餅店，經常曬出男友的蛋糕靚相，更做埋生招牌。

    龔嘉欣昨日穿上心心裙亮相，春風滿面，記者都追問她是否有好消息公佈？她表示：“不是呀，沒有喜事要宣佈！自從這段緋聞傳出後，有不少打來追問我緋聞的電話，我的手機都被‘炸’爆了，希望大家給我一些空間吧！（你現在是否要加把勁學日文？）我真係冇呢個計劃，為了方便工作，我想學英文和普通話就真。（你不認，是否怕戀情見光死？）這個日籍男生是我的生意拍檔，只在工作時見面，始終他是圈外人，受到這緋聞牽連我都唔好意思。（緋聞是被好友陳凱琳上載短片後惹出來的，可會怪她？）不會，她當日邀請大家到家中玩，拍片只係想分享新春朋友聚會的開心時刻，沒有想到會引來誤會的。我知道大家好着緊我的感情生活，希望真係結婚時大家再祝福我吧，但我真係未知幾時會結婚，和不知另一半係邊個，希望有一日可以大大方方地公佈婚訊啦。（有報道指你已與這日籍男仔同居？）我真係要澄清，根本冇呢回事。”

    新人史穎喬在《新四十二章》中演龔嘉欣好友，她笑言今次是自己第一次演出有角色名和多對白的戲，“我自覺表現合格啦，但仍可再做得好啲，我因為冇上過藝訓班，好多嘢都要學的，龔嘉欣都教咗我很多拍戲要注意的地方和技巧。”

    江嘉敏被問到有何新年願望時，她說希望工作接不停。她笑言：“已經有好多監製開始搵我拍劇，但首要條件係要我先減肥。為了工作，我會由節食開始，再勤做健身運動，應該會有好效果。”