大財運有力響頭炮

    今午上演兔年賀歲賽，全日五場草戰兼轉播外地馬。馬迷入場觀賽除欣賞醒獅表演並獲派利市，先到先得，不容錯過。

    新年跑馬講意頭，每位騎練都望打響頭炮。馬迷入場想發吓橫財，搵匹意頭馬來投注最實際。騎師高君濤乃實力派，騎功好又得人緣，多年來在本地一人獨大。此子去年沙地送歲賽起孖標尾會，刻下手風正順。今日兔年首戰座騎爆滿，全日五駒匹匹夠分量。馬迷入場玩馬仔搵佢做膽，或有意想不到收穫。

    第一場：六班千五米。“大財運”連拼無功而回，表現令人失望，惟此駒質新未盡，論馬現居此組應佔優勢。“大財運”敗後換人再來，今仗用高君濤操刀不會無的放矢。此駒跑均速，直路衝刺夠強，遇同組對手多不穩分子，有力打響頭炮。

    第四場：六班千五米。“喜運孖寶”上仗千二米後上得梗頸，此役雖敗但走勢接近，馬匹表現有長足進步。拼後續加強備戰，論馬狀態有增。此駒質新未見底，今仗再交高君濤操刀，此子上次試準已胸有成竹，憑騎者功架可望拼出頭來。

    第五場：四班千五米。“美麗人生”上仗短途力拼無功，但馬匹直路後上強勁，此役雖敗但未脫節。此駒質素非太高，但居四班實力超群。今番試準再來，換上高君濤人馬配搭完整，此番吼準新正頭出擊，冀贏馬響頭炮。