李幸倪為新歌狂練跳舞

    李幸倪(Gin Lee)前日宣佈加盟英皇後，昨日立即發佈加盟新公司後的首支派台作品《Dum Dum》，亦是首次挑戰跳唱歌。她指對歌曲抱有很多期望。“因為這次重新出發，最想achieve嘅嘢係突破，同埋要畀大家煥然一新嘅感覺。”MV方面，Gin Lee以四個造型示人， Gin Lee最喜歡cool爆的黑西裝Hunter Gin。“首先睇吓我對con先，勁淺色，好似變咗第二個人；頭髮都經過好多次處理，漂咗染咗四、五次，加埋坐咗幾十個鐘先有呢個效果。我而家呢個造型係MV入面好主要嘅character，我好鍾意。”此外，由於是跳唱歌曲，Gin Lee每日花三四小時練舞，希望可以掌握每個動作細節。“到而家有信心去做每一個動作了，成個過程覺得好唔容易，但係我好enjoy，雖然我好鍾意跳舞，但唔係由細去學，所以我要將勤補拙。”向來追求盡善美的她除了跳舞，就連自己身形都不放過，“特意加操體能，之前放假食多咗，知道正式復工，就狂操fit自己，跳舞、做Gym，要以最佳姿態示人。”Gin自爆起初做Gym心跳到一百四十左右便會頭暈，後來慢慢適應，心跳到一百八十多都冇問題。