胡蓓蔚續簽無線：我好抵用

    昨日，無線新劇《虛擬情人》搞拜神儀式，胡蓓蔚（豹嫂）與林景程亮相。豹嫂稱在劇中跟袁文傑飾演夫妻，她指跟對方合作好辛苦：“因為佢太高，我要着好高嘅高跟鞋襯返佢，我最期待就係坐喺度嘅戲，不過佢好有紳士風度。我同佢第一場戲就已經有少少激烈，兩夫妻有場大龍鳳。”她說已續約無線，但早前到上海探親兩個月，一直未有時間正式簽約。公司開出甚麼條件被打動？她說：“冇乜，都係同之前差唔多，我好抵用。希望唔止拍劇，仲可以做吓綜藝。”

    她的好友陳山聰封視帝，已要求對方請食飯：“我同佢講唔可以係普普通通嘅一餐飯，要食廚師發辦，咁梗係佢請啦！”景程失落男飛躍獎，他自言未有失望：“我做咗十三年，有人留意到我已經好開心，提唔提名事小，觀眾鍾意最重要。”《下流上車族》演員會否食飯慶祝？他稱大家已討論過預計在新年期間相約食飯，林敏驄失落視帝會否失望？他說：“正如佢驄哥之前講，個人獎唔係最重要，《下流》係應該攞最佳劇集，依家攞到係好大鼓舞。”