江美儀為亞視幫爭氣

    譽為亞視幫的江美儀，能否成為TVB視后？《下流上車族》叫好叫座，評論指亞視幫抬頭了……江美儀自言，無線工作多年，亞視人心結，好難磨滅——首先，我哋亞視藝員在啟播時已是次一等；轉台後，佢哋嘅價值觀亦覺得亞視過來的人係低人一等……就算低人一等都冇嘢做，眞係慘過地底泥。

    香港沒有貧富歧視，沒有性別歧視；有沒有電視台歧視？江美儀早期遭遇，或可作為“視后戰”的以史為鑑——

    無聲無息過檔無線，新劇開鏡，傳媒始發覺，ATV當家花旦，轉到TVB當三線角色。“我想自己由低做起……”江美儀猶記當年視海飄零。“唔好惗住自己在亞視有咩地位，去到人哋新公司，就要由低做起。況且，人哋又唔係畀好差嘅角色你做，都唔算由茄喱啡開始，咁咪慢慢做。”

    江美儀仍有當家花旦寄人屋簷下心態……有實力，還須配上天時地利，“多謝《九江十二坊》劇集熱播，遇上香港電視（HKTV）剛剛崛起，好多藝員被高薪挖角，TVB好驚……”

    高層要留江美儀，“做生不如做熟，但，人工係咪要調整下呢。我去到咩位，唔係我自己講，係你哋老闆話嘅。”原來，江美儀已得到最佳女配角提名，去到《九江十二坊》係女主角，江美儀仗着時勢，直面老闆翻舊帳——“我係女主角喎，我唔傾女主角人工，女配角都有啦啩……”過檔TVB後，江美儀自感“低人一等”，係金一般事實：“我當時人工係特約價錢！眞係好彩，遇上天時地利人和”，江美儀說，“這才加了幾高的人工，有高層見到我，讚我叻女”。

    在家靠父母，在外靠朋友，江美儀所以叻女，過檔無線，不是舉目無親的。《星星同學會》搵江美儀演出，“我同吳君如細佬拍緊拖，佢覺得我唔差，應該可以有好多嘢做。有日，君如約咗我、樂小姐三個人飲茶，對樂小姐講，你哋既然唔係唔要人，睇下有咩可以做，多得吳君如……”

    當年女主角，江美儀只領特約人工，無線留人，加薪。找樂小姐“加辛”，若“加冕”低人一等亞視幫，智慧冠軍了。拭目以待。

    高梁