學友樓多好煩惱

    “人人都話神仙好，做了神仙事更多”，資深粵劇迷自小接受的人生真理。果然真理，現在換了說法——人人都說天王好，做了天王更煩惱……張學友回應教授的訪問……沒有樓，好驚；名下物業多了，好煩……

    “做業主好辛苦”，大業主張學友自我踢爆：“我覺得租畀人好辛苦，窗漏水關我事，明明打風唔關我事，佢漏水，樓上又漏水又關你事。水渠爆咗又係你去整。好多嘢都關你事，我份人冇乜安全感，我係需要好大安全感……”養家活口，需要安全感，有得搵時盡量去搵……有傳，張學友二〇〇四年因金融海嘯成為雷曼苦主，蝕了一半身家的四千萬，云云。更因此要全面復出掘金，密密出唱片、登台、開巡迴演唱會，甚至拋售豪宅收復失地。

    面對風雲變幻，張學友自言：“近年收入全無，投資也傾向保守，多選擇低風險類別。現在，所持有的物業都是自用。”張學友樓多感煩惱，“所有不是自用的物業都賣晒出去。除了倉庫、自住、寫字樓……物業不是主要投資；做業主租出去，好辛苦……”與其說是“阿友曬命”，倒不如說阿友認命——

    藝人清楚，應以賣藝搵錢的。張學友有兩條大水喉：唱歌！電影！交相輝映。“以前，唱歌收入不穩定，未搵夠，是否可以維持以後生活？故靠拍電影搵外快，竟成了有段時間的主要收入來源。例如，我一年拍七部片，我知道這一年的收入有多少，有個預算安排……”張學友認命，也好命。後來，做演唱會開騷的機會多了，拍電影成了興趣，要還人情債才拍戲。

    教授趁機直問，有人請求幫忙，是否支持？“好多嘢我都有自己睇法。但係，我又是非常被動的人……有些事我好想做，咁啱，有人搵我做，我咪做囉。（唔托手踭？）又唔會完全唔托手踭，我認同呢件事，同埋覺得自己做得到，咁我咪做囉！”

    張學友一向積極投入社會事件，捐款做慈善，唱抗疫歌，去年聲援河北石家莊。七月，被指拍片慶祝香港回歸……無提“祖國”。迅即遭到內地網友聲討，不久，相片回應，“我是愛國愛港中國人”。做人難，做紅人非常難，生活在網民的顯微鏡下。

    高梁