王君馨西九表演機會難得

    王君馨、衛詩、鍾舒漫、黎美言 和吳嘉禧(Cheronna)五位二千年出道的跳唱歌手互相欣賞，將齊齊參與本月廿八日在西九文化區舉行的《FigureOUCH》本地大型戶外舞蹈表演活動。她們以推廣本地舞技、關心及尊重舞者，藉以向Y2K年代致敬。王君馨說今次有機會同台表演非常難得：“以前都有機會跳舞，但揀歌都係公司決定。今次可以參與埋創作部分，以前真係少有。所以，大家會睇到幾唔同嘅我哋。我很欣賞其餘四位藝人，特別是Cheronna﹐Super Girls嗰陣我就識佢，覺得佢pretty hot。”

    Cheronna指她們出道的年代，整個制度與現在亦不同：“嗰陣好少有演出嘅機會，今次難得有個咁大嘅舞台，同場還有好多熱愛跳舞的學生和老師同台，好感恩，成件事好青春。”鍾舒漫自爆對衛詩有私心，因為衛詩以跳舞形象出道：“嗰時我都未入行，我仲去買佢隻碟。但係之後少咗跳舞，我好想佢可以享受跳舞。”衛詩說當晚會好好享受，稱讚大家各有自己風格，對跳舞又充滿熱情。黎美言指雖然五個人的時間好難夾，但都做到手拖住手一起跳舞，相當難得。她坦言大家都已經是成熟女性，因此休息時間會研究如何保護腰骨、拉筋及養生。