一代天驕平反敗局

    今晚五場草沙混戰，形勢仍暗湧重重，馬少場合乃爆冷溫床，投注要步步為營。前領馮耀正廄是晚派四駒出戰，馬匹實力一般，倘能勝出一駒，練者算交到功課。反觀排名次席林宏基廄六駒列陣，論馬實力夠強，連場數餬唔奇。

    林宏基廄今季新馬湧現，不少贏完可再贏。近期續有新馬補充，目前倉口增至二十六駒，成為實力大倉，練者染指今屆冠軍機會不可抹煞。基廄今仗精品出擊，馬房近期亦有氣勢，值得看重。

    第一場：四五班千二米。“一代天驕”上次捧成大熱突然死火，輸得人多。敗後小休重新打磨，周二朝早快試走來悅目，論馬仍具作戰水準。此駒操足續跑首本路，今次原配高君濤操刀駕輕就熟，遇上同組對手弱旅居多，有力平反敗局。

    第三場：二班一○五○米。“冬甩仔”上仗贏後唞足逾三個月。此番操好出爭首本路，遇同組對手無多，形勢大好。馬匹同程賽績出色，跟得鬥得。拼後重新打磨，論馬狀態已勇。此駒同張志立最夾檔，憑騎者摸熟馬性，可一網打盡。

    第四場：三四班一三五○米。“鯊魚仔”出閘夠快，前速可取，跑沙地尤合發揮。此駒同程已贏過，有續可尋。上仗千八米無功而退，敗後小休再磨，今次操好轉戰首本路，不同估計。由牌仔特蘇日操刀磅輕有助，隨時可放冷箭。