孖伍仲衡區永權開唱

    蕭正楠誓谷肚腩增肥

    音樂人伍仲衡宣佈將於明年一月六日，聯同蕭正楠和區永權假灣仔伊利沙伯體育館舉行《HEA TOGETHER LIVE 2023》音樂會，昨日進行優先售票。三子日前為演唱會拍攝海報，大放笑彈。他們十分欣賞今次演唱會海報，影到像時裝雜誌一樣有型。

    海報中，三人睡佛般側躺在地上，完全配合主題夠晒hea。三人解釋點解要叫hea：“每次有組合出現的演唱會個名都好型，又會用英文名，想來想去都冇一個好型的英文名襯到我哋。結果，想到……Harry（伍仲衡）、Edwin（蕭正楠）和Albert（區永權），就變咗hea嘞。”

    三人還不忘互窒，場面搞笑。以歌手身份入行的蕭正楠回憶，當初的唱歌生涯就在灣仔伊利沙伯體育館開始，“○一年參加唱歌比賽就在伊館攞到冠軍，當時唱陳奕迅《傷信》。”蕭正楠說當時有幾千人參賽，區永權提議蕭正楠演唱會再唱，當《中年好聲音》評判的伍仲衡笑言：“畀紅燈你！”區永權笑指伍仲衡是殺手。

    伍仲衡認真說當時是靠區永權而認識蕭正楠，“他們上過我studio玩過一次live，一拍即合，大家好多火花，一齊開live唱歌都好多人睇。”區永權連環炮發笑問伍仲衡：“好多人都上過你live，但都冇一拍即合咩？係咪嗰啲人冇火花？其他上過你live歌手，完全睇唔上眼？”伍仲衡輕鬆接招：“因為嗰啲太貴，你哋就……講心唔講金！”區永權笑駡：“嘩！你個賤人呀！哈哈！我知今次酬勞近乎零，原來畀你啲咁嘅人吸晒。”為了是次演唱會，伍仲衡會創作一首好好玩的三人合唱歌，區永權即時乘機催對方交歌，“等你咋，快啲！”

    蕭正楠與區永權為今次演唱會笑言要一齊增肥，並指着伍仲衡肚腩：“大家明啦！咁樣balance返啲吖嘛。”伍仲衡回應：“你（指蕭正楠）千祈唔好呀，增肥唔係個個都好睇。你增肥之後，應該冇晒劇拍，要肥但都要有人鍾意，係功夫嚟口架，需要培訓至做到，呢啲叫大隻。”