鑽飾江河有利可圖

    今日五場草戰出馬稍增，但各場編排緊湊，加上賽前落雨料場地會起變化，屆時若打水戰形勢更危機四伏，賽果唔爆幾難，投注要打“因住波”。

    今季騎師陣營競爭激烈。季初多人成績接近，高君濤、張志立現排首次席，日將中野省吾位列第三。此子開季後表現生猛，暫取五W成績不俗。此子上季停賽多，故頭馬數字下跌。今季跑過幾次亦連番受罰，但願以罰款代刑，上陣搏殺打真軍贏馬補數。今仗多駒出戰有力數餬，睇環境輪到佢發威，馬迷宜留意此子動態。

    第二場：四五班千五米。“力奇神駿”上仗千二米無功而回，敗後匆匆而臨，今次增程續戰料路程可應付。此駒淋地合腳法，今次抽到二檔好位，形勢有利，續配中野省吾人馬表現合拍。今處混戰場合遇對手無多，有力打開今季勝門。

    第三場：四班千八米。“耀昌之威”上仗用徐錦輝無功而返。敗後重新打磨再來，今次改配中野省吾主轡，此雙人馬有過合作經驗料可勝任。此駒長途具實力，今次原程出擊遇同場對手不多，可替馬匹開齋。

    第四場：二三班千二米。“鑽飾江河”上季同程共取四勝四位，戰績出色。此駒能跟可鬥，走勢有前有後，跑千二米屬路程專家。今季兩戰俱敗，馬匹減分後再來，現居班次計馬有利可圖。改配中野省吾操刀配搭亦強，憑路合班宜，有力爭勝。