新劇向吳家忻求婚被拒

    陳毅燊現實中同樣食檸檬

    兩位人氣生力軍陳毅燊(Anson Bean)與吳家忻(Kayan9896)在“黃Viu煲劇平台”攜手“本地製作”，開拍Viu Original首部本地原創劇《#她和她的戀愛小動作》飾演情侶，最近一場講述陳毅燊向Kayan求婚卻被請食檸檬的戲，這段劇情令陳毅燊憶起現實中示愛失敗的慘痛經歷；至於Kayan則放風表示將來求婚只要有乳鴿，就能打動女神芳心！

    陳毅燊形容這場求婚戲碼猶如“打大佬”，事前不斷睇劇本練習：“因為求婚係人生好重要嘅時刻，自己又冇經驗，加上我要記好長嘅對白，所以係最擔心、最緊張嘅一場戲，唯有係咁睇劇本背對白，起碼少個負擔。”即使劇中陳毅燊誠意滿分，但未能抱得美人歸，慘被Kayan拒絕求婚。

    陳毅燊坦言現實中也嘗過求愛不遂的滋味：“仲記得第一次告白，懶醒寫咗封信畀人，但對方收到後喺信封紙上寫‘Oh sorry，let' s be friend！（對不起，我們做朋友吧）’，呢次係最深刻。”身為女神級的Kayan則笑言，現實中經常向追求者派檸檬：“我經常派檸檬㗎，太多啦，我都數唔清，哈哈！”

    講到大家最憧憬的求婚畫面，想不到一招內外“鴿”攻就能攻陷Kayan芳心，她說：“因為我好鍾意食乳鴿，如果隻戒指收埋喺乳鴿裡面，都幾好、幾驚喜。我自己就想個人啲，求婚始終係兩個人嘅事。”

    至於陳毅燊，表示求婚最重要是令對方意想不到，製造浪漫驚喜。

    雖然他們對求婚畫面充滿想法，但異口同聲未有結婚的計劃。Kayan說：“細個覺得廿八歲就差唔多要結婚，但依家覺得世界好大，仲有好多嘢可以探索，唔想咁快。”陳毅燊則透露：“細個就想早啲結，依家越推越遲，可能最後冇咗件事，都係順其自然啦。”