獲網民激讚弗爆

    劉穎鏇再演打女搏到盡

    由陳展鵬、唐詩詠、陳山聰、劉穎鏇、沈震軒、王君馨、劉佩玥等演出的無線台慶劇《超能使者》，今晚接棒《美麗戰場》播出，連日宣傳功勢一浪接一浪，劉穎鏇出浴露背Look及僅以毛巾蔽體的打鬥戲預告片率先曝光。

    劉穎鏇受訪時坦言：“因為條毛巾扣唔實，所以服裝姐姐好貼心咁用線幫我縫好。”對於獲網民激讚她身材好弗，她透露開拍前有專登跑步及控制飲食修身：“我喺呢套劇嘅身形肯定瘦過選美嗰陣！”

    繼劇集《兄弟》後再度做打女的她，直指是次武術指導郭追設計的街頭式打法由於集所有Style於一身，所以事前要接受出拳、擋拳及踢腿等連串特訓；她坦言過程中一雙長腿為她帶來不少煩惱，皆因筋骨太硬：“最難係踢腿、起腳，為咗畫面靚啲就要隻腳伸直啲，但我啲筋唔鬆，所以都下咗好多苦功，亦拍咗好多 Take，全部我都親身上陣，做得好我覺得好有成功感。”

    由於保護墊難藏於小背心及熱褲內，故劉穎鏇很多時“零Pad”上陣撞到周身瘀，但敬業的她笑言少少傷冇問題。”

    陳山聰飾演的“大隻勇”在劇中武功高強，擁有“刀槍不入”的超能力，他透露為打造完美撞凹車的效果，劇組於現場以另一部車拉動“被撞車”撞向特製鐵架，再合成山聰演繹擋車的畫面， 之後再為事先取出的車前機件拍下高像素照片，後製成 3D 模型，營造出零件飛散的逼真效果。對於為配合 CG 要憑空想像演戲，山聰坦言很艱難：“睇就睇得多人哋點拍，自己拍時真係幾難揣摩，我哋同武術指導都試咗好多次，今次係我拍得最辛苦同開心嘅劇，係好好嘅經驗。”