誰愛武士敲開勝門

    冠軍人物高君濤開季展現攻勢，經幾次賽事暫以九W帶頭，成績一枝獨秀。此子今仗座騎不多三駒在手，但旺門騎師仍值得吼。華將張志立今賽五駒應戰，當中不乏實力馬，值得看重。

    張志立以五W居次席。開季後此子演出不差，但早前中三元後似食滯，座騎連仗熱倒，表現未如人意。馬圈輪流搵食，高君濤今仗座騎少，贏晒最多三場。反而張志立騎五場，胯下不乏牌面馬，睇環境輪到佢發威，馬迷可吼緊。

    第二場：四班一五一○米。“頂峰神驅”上仗草地千八米後上入位，直路走勢強勁。拼後復課打磨甚力，做足工夫再來。此駒沙地開齋，演出準繩場地性能特佳，今番備戰充分，論馬狀態勇進。續由張志立主轡，憑路合磅輕，有權一網打盡。

    第三場：一二班一○五○米。“家裏有礦”能放可追乃沙草皆宜全材馬，現居此組作賽應佔優勢。此駒馬房保養得好，長期表現穩定。上次途程不合，敗未可據。今仗回師短途正合發揮，原配張志立操刀人馬夾檔。憑駕輕就熟，可爭取開齋。

    第五場： 六班一三五○米。“誰愛武士”服役至今還未出頭。今季評分已減，現居此組有利可圖，連仗用牌仔未盡發揮，但走勢接近。拼後重新打磨，論馬狀態有進。今次交張志立主轡，此子上季騎過知馬性，遇同組對手平平無奇，有力敲開勝門。