湯洛雯：求婚唔使搞大龍鳳

    青春愛情喜劇電影《忽然心動》昨日一口氣發佈了八款主要角色海報，一眾演員Anson Kong、吳千語、栢天男(Adam)、蘇皓兒(Chloe)、馬志威、湯洛雯、白只及陳欣妍(Shirley)四對男女，都在個人海報上展現出無敵青春可人氣息。當中“靚湯”湯洛雯是首次主演電影，今次除了與馬志威有一段感情關係外，戲中更被Dee哥何啟華@ERROR求婚，浪漫場面突變搞笑非常。戲中飾演護士的靚湯有大批追求者，裙下之臣之一的何啟華片中化身成卡通狗，在醫院向靚湯唱歌求婚，雖得馬志威助攻，仍被靚湯狠狠地拒絕兼撻落地。

    靚湯在片中變成“暴力湯”，她忍不住說：“我都覺得自己很粗暴，但同時覺得好搞笑，因為拍攝時是大熱天，見到阿Dee着住套衫跑來跑去又濕晒，呢場戲好深刻！”接不接受有人搞大龍鳳向自己求婚？靚湯說：“你鍾意那個人，點樣求婚都會開心，但最好低調啲！”身旁的何啟華即問，如果是有樂隊非常浪漫地拉小提琴又可否接受，靚湯覺得這樣很辛苦，解釋自己平常外出不化妝：“如果咁大班人就一定有攝影機，冇化妝就即刻戴太陽眼鏡，成個focus都唔喺求婚上，我想如果求婚focus係得返我哋兩個……都係唔講咁多貼士啦！”